والد ياسمين صبري: بنتي بتعايرني إني اتجوزت 3 مرات وهي بتتجوز تاني مرة ومن غير رضايا
قال والد الفنانة ياسمين صبري عبر فيس بوك: بعد الواحد ما كبر ويشوف ولاده يحمد ربنا اتربوا كويس رغم اننا طبقة متوسطة عاشوا في بيت ابوهم وبناتي كانوا في مدرسة EGC بتاعة الطبقة المتوسطة كنت مهتم تكون مربيتهم فيلبينية عشان يتكلموا اللغة الانجليزية كويس بتاعة الطبقة المتوسطة اشتغلت طبيب واتعلمت بره عشان انجح اولادي في الطبقة دي وابني كان في مدرسة فيكتوريا. وكشف الدكتور أشرف صبري والد الفنانة ياسمين صبري سبب خلافاته معها، مشيرًا أنه تزوج على والدتها بعد انفصالهما.
وقال اشرف صبري خلال لقائه مع الإعلامية مروة صبري ببرنامج «قعدة ستات»، المذاع على شاشة «القاهرة اليوم»،: «امبارح عندنا مبادئ في عيلة والمبادئ دي لو متنفذتش، بعتبر أنا بره القصة خالص، ياسمين مش صغيرة ودي تاني جوازه ليها ..حتى لما هي بتقول ده بابا أتجوز مرة واثنين وثلاثة هي مبتبصش لنفسها ليه ؟.. هي زعلانه إني اتجوزت غير مامتها.. مع إن مامتها نفس الحكاية».
وأضاف اشرف صبري الحياة فيها حاجات كتير ملناش يد فيها دايما مجرى الحياة بتاخد الواحد وفي لحظة بيحصل انفصال وفي لحظة تانية بتكون حبيت شخصية وتقول أه هي دي وتتجوز وبعدين تقولي لا أنا اتسرعت.
وتابع والد الفنانة ياسمين صبري: الحقيقة دي دروس احنا بناخدها في حياتنا الخاصة ولكن مبيأثرش على حياتنا العملية اهتمامي بشغلي زيادة عن الزوم كان هو ليه تأثير في حياتي الخاصة لأني مشغول طول الوقت.. والزوجة دايما عايزة تسمع كلام حلو.
برنامج «قعدة ستات» تقدمه الإعلامية مروة صبري على شاشة «القاهرة اليوم»، السبت من كل أسبوع في تمام الساعة التاسعة مساءً، وتناقش خلاله العديد من القضايا الإجتماعية، بالإضافة إلى استضافة عددًا من نجوم الفن والمجتمع.
