ألاعيب إبليس
شعر صبحي الكيلاني
فوقوا ياخلق بلاش كوابيس وخلوا عقولكم واعيه حريصه. طول عمرنا ساكن جنب الشيخ قسيس وجنب المسجد مبني كنيسه. فجأه عمينا عايزنا ناكل بعضينا فكر لحظه اسمك أحمد اسمك مينا عقلك مصري دمك مصري واللي بيسري جوه عروقك نفس الدم فيا بيسري.انا عبدالله مصاحب حنا كنا اطفال ست سنين مع بعضينا شربنا وكلنا ولما كبرنا متصحبين. لسه أنا فاكر كنا زمان مع بعض نذاكر مش وحدينا شله كبيره طه وجورج وحنا وشاكر كنا نذاكر عند صاحبنا جورج موريس فوقوا ياخلق بلاش كوابيس طول عمرنا ساكن جنب الشيخ قسيس. ملعون أبو ألاعيب إبليس. لازم مصر تعيش في سلام وأنا وانت ناخدها لقدام صلاح الدين الايوبي كان صاحبه عيسي العوام . أنت حبيب وصديق وقريب كفك فاضي أو علي كفك دق صليب إحنا اخوات واللي يفرق بيني وبينك يبقي عدو بنا عشره وذكريات لازم مصر تعيش في سلام وأنا وانت ناخدها لقدام …. أم الدنيا وغاليه علينا مش محتاجه اظن كلام أنا علي بلدي أمين وحريص فوقوا ياخلق بلاش كوابيس ملعون أبو ألاعيب إبليس.
إقرأ اهم الاخبار والقرارات الاقتصادية في نشرة لوجيستكس نيوز
