آخر الاخباراستثمار
كيف تتعامل مع كارت الائتمان وتشترى وتقسط صح
الحد الائتمانى هو مبلغ مالى معين تقدر تشترى منتجات وخدمات فى حدوده أو تسحب كاش من ماكينات الصراف الآلى
- كارت الائتمان “غير المضمن” يعنى فى حدود 3 أو 5 أضعاف صافى مرتبك وكارت الائتمان “المضمن” بشهادات بنكية أو وديعة بيكون فى حدود 80% من قيمة الشهادة
- كل كارت ائتمان له 55 يوم فترة سماح للسداد وبعد الفترة دى بتسدد بفائدة 2 – 2.5% على حسب نوع الكارت
- طريقة حساب 55 يوم فترة السماح بتختلف من بنك لبنك أو من كارت ائتمان لآخر
- توضيح: لو بتشترى منتجات من يوم 1 أبريل ليوم 30 أبريل يعنى دول 30 يومًا لازم تسدد المديونية قبل 25 مايو يبقى كدة إجمالى 55 يومًا فترة السماح
- اعرف دائمًا معاد سداد مديونية كارت الائتمان علشان تحافظ على التصنيف الائتمانى “آى سكور”
- الحد الأدنى لسداد مديونية كارت الائتمان بيكون 5% من المديونية وده لازم تسدده يعنى 50 جنيه على 1000 جنيه مديونية، وتانى: “لازم تسدده علشان ميحصلش للكارت مشكلة”
- كارت الائتمان دلوقتى مهم جدًا فى الشراء والتقسيط من التجار بدون فائدة على مدد تقسيط تتراوح بين 3 شهور و 3 سنوات
- فى نوع تانى من تقسيط معاملة الشراء لكارت الائتمان بتشترى وبعد كدة بتكلم Call Center البنك علشان يقسط العملية ودى بتكون برسوم تقسيط من 3% إلى 20% على حسب مدة التقسيط
إقرأ اهم الاخبار والقرارات الاقتصادية في نشرة لوجيستك نيوز
تابعنا
