محمود العربي: ملاحظات على اجتماع مجلس الوزراء مع المستثمرين

الكاتب الصحفي محمود العربي رئيس تحرير بوابة الاقتصاد

اهم الملاحظات على اجتماع رئيس مجلس الوزراء الدكتور مصطفى مدبولي مع المستثمرين او اذا اردنا الدقه مع كبار المستثمرين
اولا اللقاء في حد ذاتي يعتبر شيء جيد وايجابي وانا هنا مش هركز على الايجابيات اكثر لان تم نشرها وتم تداولها ونشرت بشكل موسع لكن عايز اقول او اركز على الحاجات اللي تم تغافلها او كان من المفترض تبقى او محتاجه متابعه خلال الفتره اللي جايه من باب النقد البناء وهي:

اولا كان فيه تقريبا ثلاث كلمات كويسين او محتاجين تركيز عليهم اكثر من الاستاذ حسن هيكل عن الديون، والمهندس احمد عز عن قطاع البناء ، والاستاذ عبد الحميد الدمرداش عن قطاع الزراعة، وفي قطاع السياحه الجزء الخاص بالتركيز على مشاكل الطيران ان من اهم الاسباب اللي بتعيق السياحه
باختصار الاستاذ احمد هيكل تتحدث عن مشكله الدين العام وان هي محتاجه رؤيه اكبر لنظره الديون وازاي نقدر نخفف عنها لان جزء كبير جدا كبير قوي من الموازنه رايح لسداد اقساط الدين ودي مشكله محتاجه حل وحلها هيؤدي لحل مشاكل كبيره جدا جدا يا ريت الدوله فيها بالفعل تستمع لاراء المتخصصين وتعمل يعني لجنه خاصه ليها بكل يدلو بدلوه فيها للخروج بافضل الحلول
النقطه الثانيه الاهتمام بموضوع الزراعه والمشاكل اللي اثرها الاستاذ عبد الحميد الدمرداش محتاجه النظر فيها وحلها بشكل عاجل
النقطه الثالثه الخاصه بموضوع البناء ودي اوضح فيها المهندس احمد عز تفصيله كويسه جدا جدا وموجوده كلمته ممكن كله يرجع لها يعني
النقطه الثالثه تهيئه المناخل الاستثماري بشكل جيد يعني انا سمعت في خلال اللقاء ان تم خروج 230 شركه من مصر ذهبت للامارات ودي نفتح قوسين فيها ونشوف ايه اللي يمكن ازاي نقدر نستوطن الناس هنا وما نخليهمش يطلعوا بره وايه اللي بتقدمه الامارات صعب ان تقدمه مصر يعني انا مش شايف فيها حاجه كيمياء زي ما بيقولوا يعني تقدر تقدم كل الحاجات اللي بتتقدم بره والامارات مش فاتحاها دعم يعني بالعكس دي بتستفيد كثير جدا جدا من الناس يمكن والرسوم اعلى من هنا بكثير قوي قوي قوي الفكره بس كله في سرعه دوران راس المال يعني وازاله البروقراطيه والتعقيدات اللي بتقابل المستثمرين
كمان عايزين نلفت النظر بشكل مهم جدا وضروري ان الاجتماع مع المستثمرين شيء كويس بس اللي احنا شفناه ان هو يعني كبار المستثمرين او الصف الاول وده برده احنا مش ضده بالعكس معاه لكن محتاج ان يبقى فيه نظره اوسع شويه يعني في الفئه الثانيه والفئه الثالثه من المستثمرين ورجال الاعمال دول عندهم كم مشاكل كبيره تختلف في نوعيتها عن المشاكل اللي بتواجه كبار رجال الاعمال ودول محتاجين ان مجلس الوزراء يعني يشكل مش عارف مثلا زي لجنه زي تجميع مقترحات ان انت تقعد مع كل قطاع تجمع منه اللي هو في مثلا قطاع الصناعات الهندسيه اشوف من اكبر شركه في قطاع الصناعات الهندسيه واقعد معاها والشركه والشركه متوسطه وشركه صغيره وناس بتفكر تدخل المجال (ستارت اب) دول كل واحد مشاكله مختلفه عن الثاني ويتم تجميعها وهكذا في باقي القطاعات في قطاع الاثاث في قطاع تكنولوجيا المعلومات في قطاع المواد البناء في قطاع السياحه الزراعه النسيج ….. الى اخره الى اخره
وعندنا المنظمات الخاصه بهم سواء الغرف الموجوده في اتحاد الصناعات الغرف التجاريه وشعبها النوعيه وما الى ذلك جمعيات المستثمرين على مستوى الجمهوريه كل لديه مقترحات والناس كلها بتحب البلد وكله عايز يشتغل يعني تسمع من الناس دي….. لو انا هسمع من واحد بس ممكن واحد لو هيوفر لي حتى مليون دولار كان بيتم هدرها الدوله في حاجه لها وفي النهايه انت بتجمع مليون من هنا على مليون من هنا بتكون مليار ومليار من هنا على مليار من هنا بتكون 10 مليار وهكذا
النقطه الثالثه او الملاحظه الثالثه القطاعات زي الموانئ والجمارك والحاجات دي محتاج يتسمع راي القطاع الخاص فيها لان عندهم مقترحات واراء مهم السماع ليها لان هم اللي شغالين على ارض الواقع فبالتالي شايفين كم وحجم المشاكل اللي بتواجههم ازاي وازاي اني ممكن يبقى قرار في ايد موظف صغير في الجمرك يعطل حاويه بقد كده ولا يعطل مصالح بقد كده فالحاجات دي كلها محتاج النظر فيها يعني من المتخصصين
النقطه الخامسه او الملحوظه الخمسه اني ما تمش ذكر الاقتصاد غير الرسمي وكيفيه دمجه وازاي نقدر ندخله للمنظومه بحيث انه يبقى موجود في النور بدل ما هو شغال في الظل محتاج ان انت تسمع الحاجات دي ايه ومحتاج ان انت تدي له محفزات ومحتاج حاجات كثيره قوي قوي قوي اهل الصناعه اضربيها يعني او اهل كل قطاع اذربيه
النقطه السادسة ما كانش فيه حديث خالص عن او تمثيل للقطاع الصحي والقطاع التعليمي وده جزء من البيزنس بل بالعكس يعني ده بيكلف الدوله مصاريف كثيره وبيبقى عامل اساسي في ميزانيه المواطن ما فيش حد استمع او تم عرض وجهه نظر القطاعين دول تحديدا في في الحوار اللي تم مع المستثمرين
وفي النهايه بنقول ان تاتي متاخرا افضل من ان لا تاتي… وكون ان فيه بدء حاجات فعاله وجديه انا لمستها يعني من خلال المشاهده وتداخل رئيس الوزراء مع المستثمرين سواء بالتعقيب او المناقشه وابداء الراي ده شيء كويس ويا ريت يستمر والاهم من ذلك كله ترجمه القرارات او الحاجات دي على ارض الواقع يعني احنا طلعنا قرار بكذا يبقى يطبق مش مجرد كلام فقط
دي كانت مجرد يعني ملاحظات مني او من شخصي البسيط والموضوع طبعا احب لو حضراتكم تناقشوني فيه او تبعت تعليقات كل في قطاعه يعني او في مجال عمله

في النهايه هيبقى افضل من الكلام اللي انا بقوله ده بكثير قوي قوي قوي لاني انا راجل يعني مش متخصص زي حضراتكم وكل واحد منكم متخصص في مجاله فبالطبع هيكون عنده المام كبير بالمشاكل والتحديات وازاي الطرق لحلها وازاي نقدر نتجاوزها يعني انا مجرد اخذت شويه ملاحظات كده بحكم شغلي يعني او بحكم اللي انا شايفه قد يكون بعضها خطا وقد يكون بعضها صحيح لكن في النهايه الموضوع اجمالا محتاج يعني اكثر من جلسه واكثر من حوار

خالص تحياتي في النهايه مودتي وتقديري لكم جميعا ونتمنى الخير والرخاء لمصر والاستقرار
محمود العربي صحفي ومستشار إعلامي ومعد برنامج تلفزيونية
رئيس تحرير بوابة الاقتصاد