إيهاب المحلاوي يكتب: مشاكل مستخلصي الجمارك مع شركة mts وتأخير زمن الإفراج الجمركي

ايهاب المحلاوي – بوابة الاقتصاد

طب ماتحسبوها حسبه تانيه
من مبررات mts اللي وافقت علي انشاء المنظومه اهداف قد تكون في صالح الوطن
١- المفروض معرفه من هو مالك البضاعه الاصلي من الخارج؟
يعني هي جايه علي اسم مين وده قلل من مخاطر تراكم البضائع في الموانئ لعدم معرفه اسم المستفيد لدي الجمارك
TO ORDER
٢- المفروض معرفه نوع البضاعه قبل الشحن من بلد التصدير ومعرفه مدي مخاطر البضائع لعدم وجود اي مواد ضاره وغير مصرح بالاستيراد
٣- المفروض معرفه قيمه الصفقه الحقيقيه من المورد نفسه برفع اصل المستندات علي كارجو اكس واقرار المستورد من خلال التوقيع الالكتروني لها
٤- المفروض التقليل من الاوراق والمستندات والتوثيقات من الخارج بصحه المستندات وده من خلال ارسالها علي كارجو اكس من المصدر مباشر
٥- لمفروض تقليل زمن الافراج عن البضائع لان كل حاجه هتمشي سيستم الكتروني مش هيبقي فيه نظام المناوله
٦- حجب موظفي الجمارك (متمن و مدير تعريفه) من التعامل من هو يملك البضاعه او مين اللي بيخلص عليها
معامله البضاعه علي اساس نوعها مش مين اللي يمتلكها ودي اهم نقطه في القصه كلها
ايه اللي بيحصل في الحقيقه
– .شلل تام في السيستم وعم القدره علي استيعاب كميه البيانات المرسله عليه
– عدم تعيين موظفي اكفاء للعمل علي حل المشكلات التقنيه اللي بتقابل المستخدمين
– .تأخير زمن الافراج عن بضاعه الصنف الواحد الي اكتر من ١٠ و ١٥ يوم
– احتساب الرسوم بمبالغ مغالا فيها من سعر الصنف او الاغراق علي الرغم من خروج مثيلتها بالمبالغ الصحيحه
– .عدم معرفه الجهه المنوط لها بالشكوي
(توزيع تتمين الشهادة من جمرك الي جمرك)
يعني تبقي البضاعه في اسكندريه وهي بتتمن في دمياط
طب اشتكي مين لمين
مشكلة مخلص جمارك